పదవి కోసం ఎన్‌జీవో సంఘం నేత అశోక్‌ బాబు……………………………………….

0
208

జీఎస్‌టీ అమల్లోకి వచ్చాక కేంద్ర ఎక్సైజ్, కస్టమ్స్‌ శాఖలోని ఉద్యోగులతో సమానంగా వాణిజ్య శాఖ ఉద్యోగుల హోదాలను మార్చాలన్న ఉద్యోగ సంఘాల డిమాండ్‌కు రాష్ట్ర ప్రభుత్వం ఆమోదం తెలిపింది. ఇందులో భాగంగా గ్రేడ్‌ టు నాన్‌ గెజిటెడ్‌ హోదాలో ఉన్న అసిస్టెంట్‌ కమర్షియల్‌ ట్యాక్స్‌ ఆఫీసర్‌ (ఏసీటీవో) పదవిని గెజిటెడ్‌ హోదాతో కూడిన గూడ్స్‌ అండ్‌ సర్వీస్‌ ట్యాక్స్‌ ఆఫీసర్‌ (జీఎస్‌టీవో)గా మార్చాలని నిర్ణయించింది. దీనికి సంబంధించి ఏసీటీవోలను జీఎస్‌టీవోలుగా మారుస్తూ సర్వీస్‌ నిబంధనలు జారీ అయ్యాయి. అయితే తమకు గెజిట్‌డ్‌ హోదా రాకుండా కొన్ని రాజకీయ శక్తులు అడ్డుపడుతున్నాయని ఏసీటీవోలు వాపోతున్నారు.

కారుణ్య నియామకం కింద వాణిజ్య శాఖలో ఏసీటీవోగా విధులు నిర్వర్తిస్తున్న అశోక్‌బాబు గెజిటెడ్‌ హోదాతో కూడిన జీఎస్‌టీవోగా మారితే.. తక్షణం నాన్‌ గెజిటెడ్‌ ఉద్యోగ సంఘం నేత పదవికి రాజీనామా చేయాల్సి వస్తుంది. దీంతో ముఖ్యమంత్రి కార్యాలయం నుంచి ఒత్తిడి తీసుకొచ్చి జీవో రాకుండా అడ్డుకుంటున్నారని వారు ఆరోపిస్తున్నారు. తన పదవి కోసం మిగిలిన 768 ఉద్యోగుల జీవితాలతో ఆడుకుంటున్నారని ఆందోళన వ్యక్తం చేస్తున్నారు. చాలా కాలంగా ఫైనాన్స్‌ డిపార్ట్‌మెంట్‌లో ఉన్న గెజిటెడ్‌ హోదాకు సంబంధించిన ఫైలు కదలకుండా పైనుంచి ఒత్తిడి తీసుకొస్తున్నారని ఆరోపిస్తున్నారు. కమర్షియల్‌ ట్యాక్స్‌ కమిషనర్‌ శ్యామలరావుతో పాటు, రెవెన్యూ శాఖ ప్రత్యేక ప్రధాన కార్యదర్శి సాంబశివరావు కూడా ఆమోదం తెలిపినా తన రాజకీయ పలుకుబడిని ఉపయోగించి అశోక్‌బాబు అడ్డుకుంటున్నారని ఉద్యోగులు ఆగ్రహం వ్యక్తం చేస్తున్నారు.

ఒక సమాధానం వదిలి

Please enter your comment!
Please enter your name here