మిథాలీ 97.. మలేసియా 27: ఆరుగురు డకౌట్!

0
263

టీ20 క్రికెట్‌లో మన జట్టు బ్యాటింగ్‌లో దుమ్మురేపితే లేచి గంతులేస్తాం. కానీ బౌలింగ్‌లోనూ అదే తీరులో ఆడితే ఆ మజానే వేరు. ఆదివారం అలాంటి మజానే భారత క్రికెట్ అభిమానులు ఆస్వాదించారు. మలేసియా వేదికగా మహిళల టీ20 ఆసియా కప్ ప్రారంభమైన సంగతి తెలిసిందే. ఆదివారం నుంచే లీగ్ మ్యాచ్‌లు ప్రారంభమయ్యాయి. భారత్ తొలి పోరులో ఆతిథ్య జట్టు మలేసియాతో తలపడింది. మిథాలీ రాజ్ (97 నాటౌట్)తో పాటు బౌలర్లు అద్భుతంగా రాణించడంతో మలేసియాపై భారత్ 142 పరుగుల భారీ తేడాతో ఘనవిజయం సాధించింది.


తొలుత బ్యాటింగ్ చేసిన భారత్ నిర్ణీత 20 ఓవర్లలో 3 వికెట్ల నష్టానికి 169 పరుగులు చేసింది. ఓపెనర్ మిథాలీ రాజ్ ఆకాశమే హద్దుగా చెలరేగిపోయింది. 69 బంతుల్లో 13 ఫోర్లు, ఒక సిక్సర్‌తో 97 పరుగులు చేసి నాటౌట్‌గా నిలిచింది. కెప్టెన్ హర్మన్‌ప్రీత్ కౌర్ (23 బంతుల్లో 32), దీప్తి శర్మ (12 బంతుల్లో 18 నాటౌట్), పూజా వస్త్రాకర్ (13 బంతుల్లో 16) రాణించారు. భారీ లక్ష్యంతో బరిలోకి దిగిన ఆతిథ్య జట్టు ఘోరంగా విఫలమైంది. 13.4 ఓవర్లు ఆడి కేవలం 27 పరుగులకే చాపచుట్టేసింది. ఓపెనర్లతో పాటు ఆరుగురు డకౌట్ కావడం గమనార్హం. మిగిలిన వారు ఒక్క అంకె పరుగులకే పరిమితమయ్యారు. 

ఒక సమాధానం వదిలి

Please enter your comment!
Please enter your name here