హిత్ మెరుపు సెంచరీ.. సిరీస్ భారత్ వశం

0
159


టీమిండియా అదరగొట్టింది. ఇంగ్లండ్ గడ్డపై టీ20 సిరీస్‌ను కైవసం చేసుకుంది. బ్రిస్టల్‌లో జరిగిన నిర్ణయాత్మక మూడో మ్యాచ్‌లో 7 వికెట్ల తేడాతో అద్భుత విజయం సాధించిన కోహ్లీ సేన 2-1తో సిరీస్‌ను కొల్లగొట్టింది. ఓపెనర్ రోహిత్ శర్మ (56 బంతుల్లో 100 నాటౌట్; 11×4, 5×6) సెంచరీతో చెలరేగడంతో 199 పరుగుల భారీ లక్ష్యాన్ని మరో 8 బంతులు మిగిలుండగానే భారత్ ఛేదించింది. శిఖర్ ధావన్ (5) నిరాశపరిచినా.. కెప్టెన్ విరాట్ కోహ్లీ (29 బంతుల్లో 43; 2×4, 2×6), హార్దిక్ పాండ్యా (14 బంతుల్లో 33; 4×4, 2×6), లోకేష్ రాహుల్ (10 బంతుల్లో 19; 1×4, 2×6) రోహిత్‌కు మంచి సహకారం అందించారు. ముఖ్యంగా హార్దిక్ పాండ్యా దూకుడుగా ఆడుతూ లక్ష్య ఛేదనను సులభతరం చేశాడు. సిక్స్‌తో జట్టుకు విజయాన్ని అందించాడు. 18.4 ఓవర్లలో 3 వికెట్ల నష్టానికి భారత్ 201 పరుగులు చేసి గెలిచింది.

ఒక సమాధానం వదిలి

Please enter your comment!
Please enter your name here